قناة الشارقه بث مباشر

زائر

لاحول ولاقوة إلابالله....

قصة الفتاة التي تعرضت للتحرشات والضرب في مركز ميركاتو دبي اعلان قناة الشارقه بث مباشر

كانت في عائله رايحه مركز ميركاتو في جميرا بدبي وكانوا رايحين بعد صلاة المغرب راحوا يتعشون فالمول واسمعوا الحدث الغريب الفضيع الصراحه انصدمت يوم سمعته من البث المباشر بقناة الشارقه بتاريخ 17ـ12ـ2008 المهم نرجع للقصه..
بعد ما تعشوا بالمول راحت زوجه واحد منهم مع اختها للحمامات اللي تحت وفجأة صادفوهم شباب يلسوا يتحرشون فيهم ويقولونلهم كلام بذيء مثل ما نقل لنا زوج الضحية..

وبعدها قالت الحرمه اذا انتو ما ترضون على خواتكم لا ترضون على عيال الناس سيروا قولوا هالكلام حق خواتكم وفجأة لقد تعدى هذين الشابين مجهولين الهويه لم يتم اكتشافهم بعد التعدي على الحرمه واخذوا يضربون فيها وهي محجبه مستورة الله يحفظكم شلحوا عنها الحجاب وطلعوا اجزاء من جسمها ومزعوا ثيابها وهنا العجب>>>>

يوم ضربوا الحرمة وين الجمهور وين الناس اللي تشوف ليش محد دافع عنهم دام الضرب تقريبا 3 او 4 دقائق ومحد دافع عنهم وحتى السيكيورتي ما اتجرؤو انهم يوقفونهم اتخيلوا المنظر بس يا حرام والله وزوج الحرمة ماعنده علم اعتقد لانه كان فالطابق الثاني وهم تحت سبحان الله محد دافع عنهم من الشباب الا في واحد كبير فالسن جزاه الله خير ركض من الطابق الثاني لين الاول عشان يساعدها لان كان منظر فظيع الصراحه مب متخيله الموقف ويوم بغى يلحق عليهم للاسف شردوا وركبوا التكسي وروحوا اتخيلو ضربوها 3 دقايق او 4 وشردوا وركبوا التكسي محد يودهم ولين الحين محد يعرفهم ..انصدم الزوج يوم شاف حرمته بهالحاله علما بانها متحجبه ومستورة..

لا اله الله الله فشلونا لابسين كنادير وغتر وجي وهالتصرف اللي ما يشرف والله حرام وين الامان وين؟؟

الواحد ما يضمن ولا يشرفه انه يروح فهالاماكن من هالبعض من الشباب اللي ما يحسون وما عندهم دم للاسف..

المهم : رفعوا قضيه انهم يلقون هالشباب..

والله زوج الحرمه يقول الموقف ونفضه في صوته قهر والحرمه حالتها كله صياح فصياح المسكينه فشلوها جدام الناس استغفرك يارب واتوب اليك

والسيكيورتي شو فايدتهم سمنديجا للزينه فقط ؟؟

واللي بالمحلات اصحاب المحلات ليش ما بادروا بالمساعده شو هذي الحياة اللي ما منها فايده..

اتمنى انهم يلقون اصحاب الموضوع ويادبونهم عدل ويحكمون عليهم حكم قوي والكل دعم هذا الزوج انه ما يتنازل ابد عن هالقضيه وقالوله قدم بلاغ اخر على المركز على السيكيورتي وعلى المركز انه مافيه امن ولا رجال امن فيه بس ما يسوون شي غير للزينه فقط..

وان شالله بنتابع اخبار هذي المسكينه وربي يعفو عنها يارب ويصبرها ويصبر زوجها على ما فيه هم ..

تقبلو تحياتي ,,,